Dzeko tërbohet me Interin, i vendos ultimatum

Edin Dzeko e ka humbur durimin. Sulmuesi i Romës është i zemëruar me faktin si po shkojnë tratativat mes Interit dhe Romës, teksa edhe pse jemi në fillim të gushtit ende nuk ka asnjë marrëveshje.

Sipas asaj që raporton “Gazzetta dello Sport”, 33-vjeçari i ka vendosur ultimatum klubit zikaltër që të mbyllë marrëveshjen deri më 11 gusht. Interi ka arritur deri më tani në shifrën e 15 milionë eurove, ndërkohë që verdhekuqtë kërkojnë 20 milionë euro.

Ajo që mungon deri më tani është një zëvendësues për bomberin boshnjak. Higuain ende nuk ka kthyer një përgjigje pozitive, ndërkohë që Mandzukic pritet që të largohet te Manchester United. Në këtë mënyrë nuk përjashtohet mundësia që argjentinasi të qëndrojë të Torino. Nëse largohet Dzeko alternativat pritet të jenë Mariano Diaz dhe Fernando Llorente. /R.Lika-Koha Jone/