E ardhmja e Icardit, Wanda Nara më në fund thyen heshtjen

Koha kalon dhe rrethi ngushtohet gjithnjë e më shumë. Më 2 shtator në Itali do të mbyllet merkato në hyrje. Një ndër emrat që është ne pritje të mësojë të ardhmen e tij është padyshim Mauro Icardi. Interi shpreson që ta shesë jashtë për të mos përforcuar një rivalë direkt si Napoli apo Juventus.

Monaco së fundmi ka bërë një super ofertë duke i propozuar Icardit plotë 12 milionë euro në sezon, por agjentja dhe bashkëshortja e tij, Wanda Nara ka reaguar menjëherë për “TyC Sport” duke hedhur poshtë këtë hipotezë: “Nuk shkon te Monaco”.

Në këtë mënyrë mbeten të hapura pistat që e dërgojnë te Napoli apo Juventus, me këta të fundit shumë të avantazhuar në rast se do të shesin Dybala-n te PSG-ja. /R.Lika-Koha Jone/