Eden Hazard shpallet lojtari i vitit në Europa League

Eden Hazard shpallet lojtari më i mirë i edicionit të kaluar të Europa League. Sulmuesi belg i transferuar në merkaton e kësaj vere te Reali i Madridit u vlerësua për paraqitjet e tij me Chelsea-n dhe për dy golat që realizoi në finalen e fituar me shifrat e thella 4-1 ndaj Arsenalit.

Hazard mposhti konkurrencën e ish-shokut të skuadrës Oliver Giroud dhe shokut të tij të ri të skuadrës Luka Jovic i cili spikati me fanellën e Frankfurtit në sezonin e kaluar të Europa League.

Hazard nuk ishte i pranishëm në ceremoninë e hedhjes së shortit për sezonin 2019-2020 të Europa League por falënderoi organizatorët për çmimin me anë të një video-mesazhi.

Bravo, @hazardeden10! ?

The 2018/19 #UEL Player of the Season! ?#UEFAawards | #UELdraw pic.twitter.com/fjDapeXQ9W

— UEFA Europa League (@EuropaLeague) August 30, 2019