Edicioni i ri i “Abissnet Superiore” për vajza ngre siparin këtë fundjavë

Edicioni i ri i kampionatit “Abissnet Superiore” 2023-2024 për vajza ngre zyrtarisht siparin këtë të shtunë. Kampionati i 15-të Kombëtar për vajza do të startojë me ndeshjen Kinostudio-Teuta, që do të luhet paraditen e nesërme, duke nisur nga ora 10:00 në QSK Kamëz.

Ndërkaq, po nesër do të zbresin në fushë edhe Tirana me Lushnjën, që do të luajnë takimin e parë për këtë sezon në kompleksin “Skënder Halili” duke nisur nga ora 13:00.

Të dielën do të zhvillohen edhe tre takimet e tjera të javës së parë. Skënderbeu do të presë Laçin në shtëpi, me takimin që është programuar të luhet në ora 13:00. Sakaq, Apolonia do të udhëtojë drejt Gramshit, me këto të fundit që do të luajnë takimin e tyre të parë në kampionatin elitë të futbollit të vajzave.

Ndeshja është planifikuar të nisë në ora 15:00. Siparin e javës së parë do ta ulë takimi Partizani-Vllaznia. Kampionet në fuqi të vendit do të udhëtojnë drejt kryeqytetit për të luajtur ndeshjen e parë sezonale, që nis në ora 15:00 dhe do të luhet në kompleksin “Arena e Demave”.

Java e parë e kampionatit të vajzave, edicioni 2023-2024

Kinostudio – Teuta, e shtunë, ora 10:00

Tirana – Lushnja, e shtunë, ora 13:00

Skënderbeu – Laçi, e diel, ora 13:00

Gramshi – Apolonia, e diel, ora 14:00

Partizani – Vllaznia, e diel, ora 15:00