Egjipt-Uruguai luhet në stadiumin më të çuditshëm të Kupës së Botës

Dita e dytë e Kupës së Botës do të nisë me një duel shumë interesant mes Egjiptit dhe Uruguait. Dueli do të luhet në stadiumin “Ekaterinburg Arena”. Një stadium që pret fazën finale të botërorit të futbollit duhet të ketë minimalisht një kapacitet 35 mijë vende, por surprizave të arkitektëve në rastin e një prej impianteve në Rusi, iu gjet një zgjidhje unike.

Impianti në qytetin me të njëjtin emër, u finalizua me një projekt disi të çuditshëm por që mori lejen e FIFA-s 6 muaj nga nisja e botërorit këtë verë. Ekipi projektues vendosi të shtojë dy tribuna që dalin jashtë stadiumit por që gjithsesi kanë një pamje të mirë të fushës dhe bileta do t’ia vlejë për të parë ndeshje të fazës finale si Francë-Peru apo Meksikë-Suedi.

“Ekaterinburg Arena” është vetëm një nga 12 impiantet që do të presin përfaqësueset më të mira të globit në futboll, por e vetmja me një projekt të tillë. Kjo arenë është ndërtuar në vitin 1957.