Egjipti pësoi gol në kohën shtesë, komentatori pëson atak kardiak dhe humbet jetën (VIDEO)

Futbolli egjiptian është në zi, jo për shkak të humbjes në ndeshjen e fundit ndaj Arabisë, por për një ngjarje shokuese që ka ndodhur në momentin e pësimit të golit të dytë. Rezultati ishte 1-1 dhe arabët shënuan golin e fitores. Në këtë moment, komentatori sportiv Abdel Rahim Mohamed ka humbur jetën si pasojë e një ataku kardiak.

Mediat ndërkombëtare shkruajnë se ai është ndjerë keq pas golit të shënuar nga Arabia në kohën shtesë.

Pasi i është dhënë ndihmë e parë nga kolegët, Mohamed është transportuar për në spital, ku mjekët janë përpjekur ta sjellin në jetë, por ka qenë e pamundur. Rahim Mohamed komentonte ndeshjet për kanalin “Nile Sports”, teksa edhe dje ka raportuar për kanalin në fjalë, por mesa duket ky ka qenë raportimi i fundit për të.