Entuziazëm tek Interi, zbarkon në Milano edhe Alexis Sanchez (VIDEO)

Interi nuk di të ndalet në merkato, teksa ditën e sotme përveç mbrojtësit të Fiorentinës, Biraghi, ka mbërritur në Milano edhe një tjetër goditje e rëndësishme. Bëhet fjalë për sulmuesin e Manchester United, Alexis Sanchez, i cili vjen në formë huazimi.

Sulmuesi kilian rikthehet në Seria A pas 8 sezonesh, ku do të rigjejë ish-shokun e ekipit, Romelu Lukaku. Ai vjen në formë huazimi, teksa Interi do të paguajë 5 milionë euro në sezon për pagën e tij, ndërkohë që pjesa tjetër prej 7 milionë eurosh, do të mbulohet nga United.

Sanchez do të luajë në rolin e sulmuesit të dytë, njëlloj siç ka bërë më parë në Itali me ekipin e Udineses. /Koha Jone/

Alexis Sanchez has just landed in Milano as new Inter player! ⚫️? #Inter #MUFC #transfers pic.twitter.com/kHEguBPY47

— Fabrizio Romano (@FabrizioRomano) August 28, 2019