Episodi qesharak në dhënien e trofeut, rusja: Ja pse nuk ja dhashë dorën Benatias! (VIDEO)

Juventusi festoi titullin kampion në sfidën e fundit ndaj Veronës, ndërkohë që një ndër episodet më të komentuara në rrjetet sociale, ishte momenti kur Benatia tentoi që t’i jepte dorën njërës prej bukurosheve të vendosura në ceremoninë e dhënies së trofeut.

Pak ditë pas atij episodi, Svetlana Vakulova ka treguar arsyet se përse kishte vendosur që të mos i jepte dorën lojtarit të Juventusit, duke u justifikuar sikur nuk i lejohej.

“Me miliona tifozë më kanë shkruar në rrjete sociale dhe kam parë komente nga më të ndryshmet për atë episod. Dua të sqaroj që rregullorja jonë, nuk na lejon që t’i japim dorën askujt. Nuk kisha asgjë personale me Benatian, pasi unë vetë jam një tifoze e Juventusit”, u shpreh Vakulova.