“Faleminderit Panita”, Juventus zyrtarizon largimin e Juan Cuadrados

Juan Cuadrado nga sot nuk është më një futbollist i Juventusit. Me një mesazh në faqen zyrtare klubi torinez ka zyrtarizuar largimin e kolumbianit pas 8 sezonesh.

“Faleminderit Panita!

314 herë kemi luftuar së bashku, duke fituar 11 trofe.

26 herë e kemi parë të gëzohet, me kërcimin e tij të pagabueshëm.

59 herë ishte ai që u dha gëzimin e golave ​​shokëve të tij.

Sot, pas një udhëtimi 8 sezonesh, është koha për të thënë lamtumirë.

Juan Cuadrado largohet nga Juventusi”, shkruhet në njoftimin për shtyp.