Fitoi Europa League, Sevilla shpërblen trajnerin me kontratë të re

Sevilla ia doli të triumfojë me penallti në finalen e Europa Leagues ndaj Romës, duke e fituar këtë kompeticion për herë të 7 në histori, në harkun e 17 viteve.

Një meritë të padiskutueshme ka padyshim edhe trajneri Jose Luis Mendilibar, i cili mori drejtimin e skuadrës në një moment delikat, por ia doli ta udhëheqë drejt suksesit.

Për këtë triumf, tekniku është shpërblyer me rinovimin e kontratës deri në qershor të 2024-ës. Mendilibar do të ketë shansin të drejtojë skuadrën që nga fillimi i sezonit, për të treguar se meriton vërtetë të jetë në pankinën e klubit andaluzian.