Flick konfirmohet trajner i Bayernit, firmos duke respektuar distancimin social

Pas shkarkimit të Niko Kovac, drejtimin e Bayernit e mori Hansi Flick. Ideja ishte që ta drejtonte ekipin bavarez deri në fund të sezonit, mirëpo puna e tij, që u reflektua me rezultatet mbresëlënëse, i bindi drejtuesit e kampionëve të Gjermanisë për t’i zgjatur kontratën për tri vite të tjera.

Ky është shpërblimi që mori Flick për ndryshimin dhe frymën e re se solli në skuadër pas largimit të kroatit. Bayerni nuk e ka zgjatur më shumë po ka zyrtarizuar nënshkrimin me një njoftim në faqen zyrtare të internetit.

Në foton e rastit shfaqet Flick dhe drejtuesit e lartë, të gjithë më maska mbrojtëse dhe në distancë të sigurt nga njëri-tjetri. Trajnerit iu dha një maskë e personalizuar me logon e Bayernit.