Formacionet zyrtare/ Kroacia kërkon kualifikimin ndaj Danimarkës me të gjithë yjet në fushë

Pas eliminimit të Spanjës, pas pak minutash do të jetë radha e Kroaci-Danimarkë, në duelin që do të luhet në stadiumin “Nizhny Novgorod”. Ballkanasit e kaluan grupin me pikë të plota dhe në këtë botëror po tregojnë se janë në një formë spektakolare.

Ndryshe nga Kroacia, Danimarka u kualifikua në fazën e 1/8-ve falë asaj që quhet “biskota”, barazimit pa gola me Francën, rezultat që respektoi planet e të dy skuadrave.

Danimarka mund të cilësohet padyshim si një nga skuadrat më të mërzitshme për t’u parë, pasi në 3 takime, ka shënuar dy gola dhe ka pësuar vetëm një. Trajneri Dalic do të luajë me të njëjtën 11-she, ashtu si në fazën e grupeve, ndërkohë që edhe Danimarka nuk ka ndryshuar asgjë në formacion.