Foto e rrallë, kur Ahmet Zogu priste ekipin kombëtar të futbollit

Zyrtarisht Federata Shqiptare e Futbollit është krijuar më 1930. Ekipi ynë kombëtar ka luajtur fillimisht disa ndeshje miqësore dhe ndeshjet e para ndërkombëtare i ka zhvilluar pas Luftës së Dytë Botërore, kur edhe u pranua si anëtare e FIFA-s. Për të ardhur më pas tek kualifikimi historik, i një eventi të  madh, që sapo ka arritur në Euro 2016.

 Por në Shqipëri ka pasur edhe më herët ekip kombëtar. Nuk dihet se në cilin vit është realizuar një foto, por duket që takimi ka ndodhur përpara Parlamentit shqiptar. Foto tregon se është bërë në kohën kur Ahmet Zogu ka qenë Kryeministër i Shqipërisë në vitin 1924.

Në këtë foto të postuar nga zëdhënësja e FSHF-së, Jona Dervishi, duket ekipi kombëtar i futbollit i rreshtuar në një takim në kohën kur Ahmet Zogu ka qenë Kryeministër i Shqipërisë në vitin 1924.

FSHF-ja u krijua më 30 Qershor 1930 dhe Shqipëria priti 16 vite për të luajtur ndeshjen e parë ndërkombëtare, duke debutuar kundër Jugosllavisë në 1946.