Frika nga dënimi i UEFA-s, ja plani i Milanit për sanksionet finaciare

Problemet tek Milani nuk kanë fund. Përtej rezultateve katastrofike në këtë start sezoni, drejtuesit e klubit duhet të bëjnë llogari për humbjet në bilancet finaciare.

Sipas “Corriere della Sera”, Maldini dhe Boban do të kërkojnë një marrëveshje paraprake mbi dënimet e mundshme duke pasur edhe një lloj përparësie për sa u përket rregullave mbi të cilat duhet të shëndoshë arkat në sezonet e ardhshme.

Kjo procedurë duhet t’i garantojë Milanit ecuri të rregullt në kompeticionet europiane, pa pasur frikën e ndonjë gjobe të majme apo të ndonjë sanksioni tjetër të rënë.