Gazetari i njohur britanik: Me Ronaldon Arsenali do të fitonte titullin kampion

Piers Morgan, një gazetar britanik i cili është mik i Cristiano Ronaldos dhe autor i intervistës që vulosi “divorcin” mes portugezit dhe Manchester United, iu përgjigj në rrjetet sociale provokimit të një përdoruesi që e pyeti për faktin pse sulmuesi nuk u transferua te Arsenal.

Sipas Morgan nëse një transferim i tillë do të kishte ndodhur, atëherë sipas gazetarit “The Gunners” do ta kishin fituar me patjetër titullin e Premier League.

“Nëse Arsenal do të kishte firmosur me Cristianon për pjesën tjetër të sezonit, dhe sulmuesi ishte i gatshëm ta bënte këtë, ‘The Gunners’ do të kishin fituar titullin. Ai di se si fitohen trofetë dhe shënon gola kur ka rëndësi “, deklaroi Piers Morgan.