Genoa rikthehet zyrtarisht në Seria A pas një sezoni

Genoa rikthehet sërish në elitën e futbollit italian, Seria A, pasi ka arritur që matematikisht të blindojë vendin e dytë në renditje, pas Frosinones.

Pas fitores 2-1 ndaj Ascolit këtë të shtunë, takim i vlefshëm për javën e 36-të, Genoa shkoi në kuotën e 70 pikëve, plot tetë më shumë se Bari i vendit të tretë.

Kështu pas një viti në Seria B, Genoa rikthehet për të vijuar aventurën sërish në Seria A, ku me siguri do të duhet të bëjë jo pak investime në merkato.