Goditi me grusht Sane, Bayerni ndëshkon me gjobë të majme Sadio Mane

Bayern Munchen ka vendosur të ndëshkojë me një gjobë të majme sulmuesin Sadio Mane, pasi goditi me grusht shokun e tij të skuadrës, Leroy Sane, pas humbjes 3-0 të bavarezëve ndaj Manchester City, në çerekfinalet e Champions League.

Me një komunikatë për shtyp, Bayern njoftoi se senegalezi nuk do të grumbullohet për ndeshjen ndaj Hoffenheim për “sjellje të gabuar” dhe shtoi se do të “gjobitet”.

Sipas “Bild”, gjoba do të jetë e majme, plot 500.000 euro. Bëhet fjalë për një gjobë historike, që tregon edhe nivelin e pakënaqësisë së klubit me gjestin e Sadio Mane.