Grizman drejt Barcelonës, Mesi i telefonon francezit për ta bindur

Antoni Grizman sezonin e ardhshëm mund të mos ta shohim më me fanellën e Atletiko Madrid. Destinacioni i ardhshëm me shumë mundësi do të jetë Barcelona.

Katalanët janë të gatshëm të paguajnë klauzolën e largimit të francezit që kap shumën e 100 milionë eurove. Për ta bindur Griezmanin, sipas mediave spanjolle është futur skenë edhe Lionel Mesi, i cili po mundohet ta bindë lojtarin të pranojë transferimin në “Camp Nou”.

Në fakt, këto përpjekje duken se po japin rezultat, pasi francezi po e sheh gjithnjë e më pranë transferimin te Barcelona. Drejtuesit katalanë po shpresojnë që marrëveshja të mbyllet përpara fillimit të Botërorit. Por në garë është edhe Reali i Madridit. Nuk është vetëm Mesi që dëshiron ta ketë shok skuadre Griezmanin, por edhe Ronaldo, i cili ia ka shprehur hapur presidentit Florentiono Perez dëshirën që bashkë me francezin ai të transferojë edhe portierin Jan Oblak.