Habit deputetja Zviceriane: Dy golat nuk janë shënuar për Zvicrën por për Kosovën

Fitorja e Zvicrës kundër Serbisë vijon të mbetet një temë diksutimi.

Sidomos festa e lojtarëve shqiptarë duke bërë shqiponjën ka ngjallur shumë debat madje edhe politika është përfshirë në këtë çështje.

Deputetja e Partisë Popullore në Zvicër, Natalie Rickli ka qenë aktive gjatë ndeshjes në llogarinë e saj në ‘Twitter’ dh nuk ka rënë aspak dakort festën e futbollistëve në atë mënyrë.

“Super gol nga Xhaka, dhe çfarë po bënë ai për Kombëtaren tonë? Shqiponjën shqiptare”, ishte postimi i parë nga Rickli ku ia bashkëngjiti një figurë nervoze.

41-vjeçarja ka thënë se golat nga Xhaka dhe Shaqiri nuk ishin për Zvicrën por për Kosovën.

“Nuk mund të jem e lumtur me të vërtetë. Dy golat nuk janë shënuar për Zvicrën por për Kosovën”, ka shkruar Rickli.

“Nëse Përfaqësuesja e Kosovës fiton një ditë unë do të jem e lumtur për ju, por në Kampionatin Botëror ne jemi me Zvicrën”, tha ndër të tjera deputetja zvicerane.

E pas këtyre statuseve, llogaria e Rickli në Twitter është pushtuar nga tifozët e Zvicrës të cilët kanë kërkuar nga ajo që t’i largojë ato pasi kanë dalë në mbrojtje të futbollistëve më të mirë që kanë, Xherdanit dhe Granitit.