HISTORIKE/ 18-vjeçari norvegjez shënon 9 gola në një ndeshje (VIDEO)

E pabesueshme, fantastik dhe monstruoz. 18-vjeçari, Erling Braut Haland futet në historinë e futbollit, pasi sot ka shënuar 9 gola në Kupën e Botës të moshës deri 20 vjeç.

E keni lexuar mirë, 9 gola në një ndeshje (Norvegji-Honduras), të shënuar nga minuta e 7-të deri në të 90-ën, nga bomberi që është nën kontratë me Salzburgun. Një djalosh i ri 191 centimetra, peshon 87 kg, dhe i rritur te të rinj e skuadrës së Bryne.

9 gola në tre ndeshje (Norvegjia ka humbur sfidat ndaj Zelandës dhe Uruguait) duke e ndihmuar kombëtaren e tij që të kualifikohet mes skuadrave më të mira të moshës deri 20 vjeç. Haland ndiet nga shumë skuadra të mëdha europiane, mes tyre edhe Juventusit, teksa sezonin e kaluar ishte pjesë një turneu të zhvilluar, kur aktivizohej me Molden.

Vlera e tij në merkato pritet që të rritet pas këtij turneu, pasi aktualisht në faqen e transfermarkt, ka vlerën vetëm 5 milionë euro. /R.Lika-Koha Jone/