Hodhën flakadanë në fushë, Italia jep dënim të ashpër për 70 tifozë të “Illyrian Elite”

Pas hedhjes së flakadanëve në stadiumin ‘Renzo Varbera’ gjatë zhvillimit të ndeshjes Itali-Shqipëri më 24 mars 2017, policia e Palermos ka ardhur me një vendim ndaj tifo-grupit shqiptar “Illyrian Elite”.

Vendimi i policisë dënoi për 5 vjet hyrjen në të gjitha impiantet sportive ku zhvillohen ndeshje futbolli të çdo klubi sportiv e i çdo kategorie në nivel kombëtar e ndërkombëtar për 70 tifozë shqiptarë të identifikuar nga autoritetet italiane, shkruan Palermo Today.

Vendimi ndalues përfshin dhe zonat pranë stacioneve hekurudhore, hyrje-daljet e autostradave, pikat e takimit pranë porteve ose aeroporteve, apo vendet e tranzitit për tifozeritë.