Holandezët thumbojnë Realin para ndeshjes: Arbitri, lojtari i 12-të i tyre sonte

Në prag të ndeshjes së kthimit të Ligës së Kampionëve mes Ajax dhe Real Madridit, që do të luhet sonte në mbrëmje, nuk mungojnë akuzat nga Holanda. Gazeta  “De Telegraaf” ka akuzuar klubin spanjoll se ka lidhje të forta me arbitrin Felix Brych.

Gjermani do të drejtojë sfidën e “Bernabéut” sonte në mbrëmje, ndërsa do ta bëjë këtë për herë të shtatë në raport me “Los Blancos”. Në gjashtë herët e tjera të mëparshme, kur i ka gjykuar, kampionët europianë në fuqi kanë fituar gjithmonë.

Përkufizimi i arbitrit si “lojtari i 12-të” në fushë për Real Madridin, është akuzë e mbështetur nga një listë e gabimeve të gjyqtarëve në Ligën e Kampionëve, duke favorizuar të klubin mbretëror.