Humbën penallti ndaj Anglisë, dy lojtarët e Kolumbisë kërcënohen me vdekje

Carlos Bacca dhe Mateus Uribe janë kërcënuar me vdekje nga tifozët kolumbianë pasi humbën 11-metërshat në ndeshjen e 1/8-ve të Kupës së Botës kundër Anglisë. Pjesa më e madhe e mesazheve në rrjetet sociale i janë drejtuar Bacca-s, i cili humbi një penallti vendimtare ndaj Pickford – ndërsa goditja e Uribe përfundoi mbi traversë.

Më 3 korrik ishte përvjetori i vdekjes së Andres Escobar, i cili u vr në Kolumbi, pasi shënoi një autogol kundër Shteteve të Bashkuara në Kupën e Botës, duke çuar në eliminimin “cafeteros”. Një tjetër lojtar, Carlos Sanchez, ishte kërcënuar me vdekje për shkaktimin e një penalltie, pasi u ndëshkua me karton të kuq në ndeshjen e parë ndaj Japonisë në Rusi 2018. /Koha Jonë/