Hysaj drejt kryqytetit italian, 3 milionë euro e ndajnë nga Roma

Elseid Hysaj ende nuk ka vendosur për destinacionin e ardhshëm të karrierës së tij. Mbrojtësi i kombëtares sonë është në bisedime me ekipin e Romës, ndërkohë që nuk mohohet as mundësia që të qëndrojë me ekipin e të kaltërve.

E përditshmja “Corriere dello Sport” raporton se verdhekuqtë kanë ofruar deri më tani 17 milionë euro, ndërkohë që Napoli nuk heq dorë nga pretendimi prej 20 milionë eurosh, por është gati që edhe tolerojë huazimin me të drejtë blerje.

Drejtori sportiv i Romës, Gianluca Petrachi nuk ka ndërmend që të heq dorë nga mbrojtësi shkodran, teksa do të tentojë që ta rrëmbejë deri në ditën e fundit. /R.Lika-Koha Jone/