Hysaj: Kemi rigjetur mentalitetin që na mungonte, të jemi më konkret

Kapiteni i kombëtares sonë, Elseid Hysaj, ka folur në konferencë për shtyp në prag të ndeshjes ndaj Moldavisë.

“Gjetëm personalitetin, idenë e lojës sonë, sepse kishte humbur. Jam i kënaqur pasi kemi zhvilluar një lojë shumë të mirë. Ishte një rol i mirë për mua, por unë jam profesionist dhe jam i gatshëm për të bërë çdo rol që më jep trajneri. Duhet të luajmë për rritjen e kombëtares dhe për të ngjitur çdo ditë e më shumë nga një shkallë. Tani jemi një grup i bashkuar dhe me identitet.

Shiriti? Është një zgjedhje e trajnerit. Unë jam i gatshëm që të jap më të mirën time me apo pa shiritin.

Humbja me Islandën? Duhet të ishim më konkret në fazën sulmuese, pasi loja nuk mungoi.

Prezenca e tifozerisë? Është shumë e rëndësishme, sepse ata na kanë dhënë shumë zemër. Sa më shumë tifozë të kemi, aq më shumë do të kemi dëshirë për të dalë përpara.

Moduli i lojës? Atë e vendos trajneri, thjeshtë të jemi më konkret në finalizimin e aksioneve”, deklaroi Hysaj. /Koha Jone/