I pezulluar ndaj Islandës, Mavraj rrezikon edhe sfidën me Moldavinë

Kombëtarja shqiptare zhvilloi sot stërvitjen e fundit në Reikjavik, përpara duelit të kësaj të shtune me Islandën, në kualifikueset e Euro 2020.

Mërgim Mavraj, i cili nuk do të luajë në këtë ndeshje për shkak se është i pezulluar, ishte i vetmi nga lojtarët kuqezi që nuk mori pjesë në stërvitje.

Mbrojtësi vuan edhe një dëmtim të lehtë në gju dhe zhvilloi seancë terapie, ndërsa ditën e nesërme do të kuptohet më shumë nëse do të jetë i gatshëm për ndeshjen me Moldavinë, më 11 qershor.