I refuzoi pijen, McGregor qëllon me grusht një person në lokal (VIDEO)

Conor McGregor, nuk ka ndërmend që të ndalet me sjelljet e tij aspak të mira në publik. Në një video të publikuar nga “TMZ”, irlandezi shihet duke goditur me grusht një burrë, i cili besohet se refuzoi të pinte uiskin e McGregor, “Proper Twelve”.

Incidenti ka ndodhur në një lokal të Dublinit 6 prillin e kaluar. Sipas “TMZ”, Conor u ka ofruar të gjithë atyre që ishin në lokal një gotë nga uiski i tij dhe problemet kanë filluar kur njëri prej tyre ka refuzuar.

McGregor ndan një gotë me të pranishmit e tjerë në lokal para se të godasë njërin prej tyre që ishte ulur në banak.