Icardi drejt transferimit në Torino, Wanda mbetet në Milano

Mauro Icardi ende nuk e ka qartësuar të ardhmen, por bashkëshortja e tij, Wanda Nara e ka marrë një vendim. Bukuroshja argjentinase pranoi rinovimin e kontratës me Mediaset, për të qenë sërish pjesë e emisionit të përjavshëm sportiv në Italia 1, “Tiki Taka”, ku këtë herë do të ketë në krah edhe dy ish sulmuesit italianë, Bobo Vieri dhe Antonio Cassano.

Qendra e Mediaset është në Milano dhe fakti që Wanda do të duhet të jetë aty çdo javë, bën të pamundur zhvendosjen e familjes Icardi jashtë Italisë, por edhe destinacione si Roma e Napoli nuk janë fort afër me kryeqendrën e veriut të Italisë.