Insigne lëshon akuza të rënda për arbitrin Rocchi pas humbjes ndaj Romës

Kapiteni i Napolit, Lorenzo Insigne, ka lëshuar akuza të forta për gjyqtarin Rocchi dhe VAR-in pas ndeshjes së humbur kundër Romës.

“Duhet të pyesni Rocchin pse nuk e dha penallti në rastin e Lozanos, nëse atij i është ndërhyrë brenda ose jashtë zonës. E pyeta Rocchin nëfund të ndeshjes për atë që ndodhi dhe ai më tha se VAR-i i kishte komunikuar penalltinë, ndërsa vetë kishte parë se lojtari kishte simuluar.

Kur i kërkova shpjegime ai më drejtoi gishtin dhe më tha: ‘Ke bërë më shumë gabime në fushë se unë’. Nuk e gjykoj atë, më vjen keq, nuk i thashë asgjë, thjesht e pyeta se pse VAR i tha diçka, ndërsa ai zgjodhi diçka tjetër. VAR-i punon për ekipet e tjera, ndërsa për ne jo. Duhet të funksionojë për të gjithë”, deklaroi Insigne.