Inter siguron mbrojtësin e kombëtares italiane për sezonin e ardhshëm

Interi nuk po mendon vetëm për të tashmen, por edhe për të ardhmen. Marotta njihet si një specialist për goditjet me kosto zero, teksa këtë gjë po vijon ta bëjë sërish.

Drejtuesi zikaltër ka bërë që tani një goditje me parameter zero për mbrojtjen me Matteo Darmian që do të vishet zikaltër për sezonin 2020-2021. Lojtari italian është në vitin e fundit të kontratës me Manchester United dhe më 1 janar mund të firmosë për çdo skuadër teksa Marotta ka lëvizur më shpejt se Napoli dhe Juve për të marrë “ok” nga 29-vjeçari.

Nuk përjashtohet që në merkaton e dimrit Interi të paguajë një shumë minimale për të përshpejtuar afrimin e Darmian 6 muaj përpara afatit të parashikuar.