Interi fiton mes polemikash ndaj Cagliarit, Torino befason Atalantën (VIDEO)

Interi ka arritur që të marrë një fitore me shumë vuajtje dhe polamika ndaj Cagliarit në transfertë 2-1. Skuadra e Contes, ndryshe nga sfida me Lecen nuk e ka pasur aspak të thjeshtë në Sardenjë.

Zikaltrit kaluan të parët në avantazh që në minutën e 27-të me një gol të shënuar nga Lautaro Martinez, i cili shënoi me kokë pas një krosimi nga krahu i majtë. Cagliari u kundërpërgjigj mjaft mirë në pjesën e dytë duke gjetur golin e barazimit me Joao Pedron, po me një gol të shënuar me kokë.

Vendasit luajnë më mirë, ndërkohë që ju afruan edhe golit të avantazhit. Në momentin e tyre më të mirë Interi fitoi një penallti pasi Sensi rrëzohet në zonë. Për arbitrin është penallti edhe pse duket i dyshimtë. Nga pika e bardhë shkoi Romelu Lukaku, duke arritur që të shënonte.

Sulmuesi belg ishte në hije gjatë gjithë ndeshjes, ndërkohë që ky ishte golin i dytë në kampionat. Pas kësaj fitoreje, Interi ngjitet në kuotën e 6 pikëve, po aq sa Juventusi dhe Torino. Këta të fundit morën një fitore surprizuese 3-2 ndaj Atalantës. /R.Lika-Koha Jone/