Interi zhgënjen në 45 minutat e para ndaj Slavias

Interi nuk ka mundur të shkojë më shumë se një barazim pa gola në 45 minutat e para ndaj Slavias së Pragës. Skuadra e Antonio Contes ka zhgënjyer totalisht, duke qenë në vështirësi ndaj ekipit çek në disa raste.

Rasti më i rrezikshëm ishte ai i Lautaro Martinez, i cili nuk mundi që të përfitonte nga një top i bukur që mori brenda zonës. Slavia ndërkohë kishte një zotërim të mirë të topit, por nuk munguan as gabimet e shumta në prapavijë, nga të cilat Lukaku dhe Martinez nuk u treguan të zotët për të përfituar.