Jo vetëm Liverpooli, edhe Chelsea bën gati ofertën për Kylian Mbappe

Real Madrid nuk do ta ketë një mision të thjeshtë transferimin e Kylian Mbappe, pavarësisht se ka avantazhin e akordit që ka arritur me vetë lojtarin.

Sipas mediave angleze, në garë për Mbappe nuk është vetëm Liverpool pasi së fundmi është futur edhe Chelsea. Blutë janë të gatshëm t’i ofrojnë PSG para kesh plus një lojtar për të lënë të lirë yllin francez.

Chelsea nuk është favorit në këto negociata, pasi londinezët nuk luajnë në Evropë. Mbappe nuk ka reaguar, duke lënë të kuptohet se objektivi i tij është të transferohet në Madrid, këtë verë, ose në 2024.