Justifikimi i Mavrajt për humbjen: Terreni i fushës dhe shiu ndikoi në lodhjen tonë!

Mërgim Mavraj ka qenë një ndër futbollistët më të dobët në fushën e lojës në miqësoren ndaj Norvegjisë. Mbrojtësi i kuqezinjve është justifikuar për ndeshjen e dobët duke thënë se shiu dhe terreni i lodhën më shpejt.

“Kemi qenë disi të lodhur fizikisht, ndërsa ata ishin më të qëndrueshëm dhe më të fortë sesa ne. Besoj se edhe terreni i fushës dhe shiu ndikoi në lodhjen edhe më të madhe dhe më të shpejtë për ne. Besoj se skemat që kemi studiuar gjatë javës nuk kanë funksionuar siç kemi menduar”, tha Mërgim Mavraj në intervistën pas ndeshjes.