Juventus arrin akordin me Federico Chiesa-n, ja detajet

Federico Chiesa në sezonin e ri do të luajë me Juventusin. “Sky Sport” raporton se sulmuesi i Fiorentinës ka arritur një akord me bardhezinjtë për një kontratë 5-vjeçare nga e cila do të përfitojë 5 milionë euro në sezon.

Kampionët e Italisë, me sa duket, kanë arritur të fitojnë garën me Interin, pasi edhe zikaltrit kishin shfaqur interes për Chiesa-n. Kartoni i sulmuesit do t’i kushtojë Juventusit gati 70 milionë euro.

Tashmë mbetet për t’u parë nëse kjo marrëveshje do të zyrtarizohet në ditët në vazhdim. Drejtuesit e Juventusit, edhe pse ende nuk e kanë zyrtarizuar pasuesin e Massimiliano Allegrit, në merkato nuk po qëndrojnë duarkryq. Federico Chiesa është pjesë e Fiorentinës prej viti 2016 dhe në total ai numëron 122 ndeshje, teksa ka arritur të shënojë 22 gola.