Juventus zbulon një Higuain të ri, i kudondodhur dhe në shërbim të CR7-ës

Gonzalo Higuain duket se po përjeton një transformim të madh në karrierën e tij futbollistike. Edhe pse tashmë në moshën 31-vjeç, “El Pipita” ka luajtur shumë vite në nivele të larta dhe synon rikthimin në formën e tij më të mirë pas aventurës së dështuar te Milani dhe Chelsea. Ishte i pari në listën e largimeve gjatë këtij sezoni te Juventusi, por ai zgjodhi që të qëndronte dhe të luftonte për një vend titullari, madje edhe duke pranuar edhe ndërrimin e numrit të fanellës nga 9 në 21. Nga një “vrasës” në zonë është kthyer në një futbollist që mbulon shumë role.

Duke parë ndeshjen e tij të parë, një aksion përsëritet në vazhdimësi. Higuain niset nga pozicioni klasik i sulmuesit qendror, kthehet me shpinë drejt portës dhe sposon lojën në krahë. Më veprimin e tij favorizonte lojën e Ronaldos, i cili lëvizte nga pozicioni në krahun e majtë për në qendër, ndërkohë që edhe Matuidi dhe Khedira kishte aftësi të mira me inkursione në zonë.

Kushdo që ka parë sintezën e ndeshjes mes Parmës dhe Juventusit, është habitur nga sakrifica e sulmuesit argjentinas, i cili ka luajtur në një pozicion shumë të tërhequr. Ky mund të jetë edhe çelësi i suksesit për të ardhmen, pasi aftësitë për të dialoguar me futbollistin më të rëndësishëm të ekipit e bën atë një titullar të padiskutueshëm në sezonin e ri.

“Gazzetta dello Sport” ka publikuar një hartë me prekjet e topit që ka bërë Higuain në sfidën e fundit ndaj Parmës, teksa bie në sy fakti që ka qenë i pranishëm thuajse në çdo pjesë të fushës. /Rozalb Lika-Koha Jone/