Kampionati Ballkanik/ Tjetër medalje për Kosovën, Orges Arifi i argjentë në karate

Sukseset e Kosovës në sportet individuale nuk kanë të ndalur.

Pas Fortesa Oranës që fitoi medaljen e artë dhe Blodin Pakashticës të argjendtën, një tjetër medalje është fituar nga Kombëtarja e Kosovës në karate në Kampionatin Ballkanik të rinjve që po mbahet në Stamboll.

Është Orges Arifi që ka fituar medaljen e argjendtë, në kategorinë nën 60 kilogramë.

Arifi u mposht në finale nga sportisti maqedonas Emi Pavlov me pikë 3-2, duke humbur kështu që të ngjitet në shkallën më të lartë të podiumit.