Kategoria e Parë nis më 12 shtator me risi: ekipet, jo më tepër se tre të huaj

Komiteti Ekzekutiv i FSHF, ka miratuar gjithashtu edhe kalendarin dhe datat për sezonin e ri në kategoritë më të ulëta, si dhe për ekipet e moshave. y

Komitetit Ekzekutiv vendosi të ulë numrin e lojtarëve të huaj nga 5 në 3 për Kategorinë e Parë.

Kategoria e Parë, sezoni 2015-16’ do të nisë 12 Shtator dhe do të përfundojë më 19 Maj.

Kategoria e Dytë, sezoni 2015-16’ do ta startojë më 20 Shtator dhe përfundon më 19 Maj.

Për kampionatin e moshave U-17 dhe U-19, java e parë të luhet më 30 Shtator, ndërsa e fundit më 15 Maj. Është vendosur gjithashtu që për kategoritë e moshave U-17 dhe U-19, në edicionin e ri futbollisti të organizohet edhe Kupa e Shqipërisë.