Kelmendi eliminohet në gjysmëfinale nga kampionia e Botës, por ka shpresë për medalje

Majlinda Kelmendi nuk ka mundur që të realizojë ëndrrën për të triumfuar në Botërorin e radhës. Xhudistja e famshme kosovare u mposht nga kampionia në fuqi e botës, Uta Abe, në gjysmëfinale e zhvilluar në Tokio.

28-vjeçarja nga Peja ishte në kërkim të titullit të tretë të botës në Tokyo 2019, por u ndal nga 19-vjeçarja japoneze dhe tani do të luftojë për medaljen e bronztë.

Kosovarja, kampione bote më 2013 dhe 2014, rundin e parë e kaloi pa luftë, në rundin e dytë e mundi Luz Olvera nga Meksika. Në rundin e tretë e kaloi Agata Perencin e Polonisë, para se ta mposhte Shishimen në çerekfinale.