Kim Min-Jae zbulon armën sekrete të Napolit: Nuk kisha parë kurrë …

Kim Min-Jae deklaron se Luciano Spalletti është një trajner që i jep forcë dhe besim skuadrës. Në një intervistë të dhënë për “UEFA-n”, në prag të ndeshjes çerekfinale të Champions League ndaj Milanit, mbrojtësi i Napolit zbuloi armën e tyre sekrete.

“Spalletti ka një dëshirë të madhe për të fituar ndeshje. Skuadra është shumë agresive, ata nuk kanë frikë nga asgjë, mendoj se ndikimi i trajnerit është vendimtar në këtë kuptim.

Mendoj se qasja e tij strategjike padyshim që ndikon, por faktori vendimtar është pasioni i tij. Unë kurrë nuk kam parë një trajner si ai. Pasioni i tij e tejkalon lehtësisht atë të cilitdo. Ai ka një dëshirë të madhe për të fituar ndeshjet”, tha Kim duke folur për trajnerin toskan.