Kolumbia fitore dhe spektakël, Polonia i thotë lamtumirë Kupës së Botës (VIDEO)

Kolumbia ka rrëmbyer 3 pikët e para në Kupën e Botës, duke fituar me lehtësi 3-0 ndaj Polonisë. Skuadra e Pekerman ka dominuar gjatë gjithë ndeshjes, duke krijuar mundësitë më të mira për shënim. Goli në pjesën e parë do të vinte në minutën e 40-të, me Minën, i cili shfrytëzon më së miri një asist nga James Rodriguez.

Polonia nuk reagon as në pjesën e dytë, duke pësuar një tjetër gol. Në minutën e 69-të, Quintero jep një pasim fantastik për Radamel Falcaon, i cili nuk ka gabuar përballë portierit polak. Ky ishte goli i parë në Kupën e Botës për bomberin kolumbian. Në minutën e 75-të, Juan Guliermo Cuadrado shënoi edhe golin e tretë, pas një kundërsulmi të shpejt, duke mposhtur shokun e skuadrës te Juventusi.

Kolumbia në këtë mënyrë mban gjallë shpresat për kualifikim në fazën tjetër me një pikë më pak se Japonia dhe Senegali, ndërkohë që Polonia është ekipi i parë evropian që eliminohet zyrtarisht. /Koha Jonë/