Kombëtarja mbërrin në Gjermani, gjithçka shkon sipas planit

Kombëtarja shqiptare e futbollit ka mbërritur në Gjermani, në kuadrin e përgatitjeve për dy ndeshjet e rëndësishme eliminatore të Euro 2020, kundër Islandës në Rekjavik me 8 qershor dhe kundër Moldavisë më 11 qershor në Elbasan.

Në oren 10.00 ekipi dhe stafi që i shoqëron, kanë lënë pistën e Rinasit.  Dy orë më pas, skuadra ka mbërritur në aeroportin e Këlnit. Pas procedurave rutinë, ekipi është nisur drejt Frankfurtit. Rrugës u ndalua për të ngrëne drekë, në një restorant të njohur të zonës.

Duke qënë se kjo drekë ishte programuar më parë, ky lajm është mësuar nga disa bashkëatdhetarë, që së bashku me fëmijët e tyre kishin ardhur për të takuar ekipin kombëtar. Pas kësaj ndalese, skuadra vazhdoi udhëtimin për në Frankfurt dhe u akomodua në hotelin ku do të qëndrojë deri në mëngjesin e datës 7 qershor ku do të niset për Rekjavik.