Kompania e Moratit dhuron 1 milion euro për koronavirusin

Kompania e naftës në Itali, Saras, e cila është në pronësi të ish presidentit të Interit, Massimo Moratti, ka vendosur të ndihmojë rajonin e Lombardisë me një shifër prej një milionë eurosh.

Vendimi është komunikuar sot nga ish pronari i Interit, i cili është njëkohësisht edhe president i Saras, ndërsa ka thënë se kompania do të financojë projekte për të përmirësuar sistemin sanitar të Lombardisë dhe Sardenjës.

Biznese të shumta italiane kanë dhënë donacione të mëdha në ndihmë të shtetit, për të përballuar situatën e rëndë që po kalon vendi për shkak të koronavirusit.