Kosova merr një tjetër fitore në miqësore ndaj Burkina Fasos

Kosova ka marrë një tjetër fitore në miqësore, këtë herë ndaj Burkina Fasos me rezultatin 2-0. Qendërsulmuesi Vedat Muriqi zhbllokoi takimin për kosovarët në minutën e 74-t, ndërsa në minutën e 90, Kosova gjeti edhe golin e dytë.

Kombëtarja e drejtuar nga zvicerani Bernard Challandes, përveç dy fitoreve, ka korrigjuar ndjeshëm repartin difensiv, pasi nuk ka pësuar ende asnjë gol, pavarësisht se kundërshtarët kanë qenë modestë.

Skuadra përfaqësuese e Kosovës ka 3 fitore radhazi në 3 miqësoret e fundit dhe nuk humbet prej 4 takimesh.