Laçi godet në merkato, afron golashënuesin e Kosovës

Laçi ka nisur merkaton. Skuadra kurbinase ka njoftuar ditën e sotme se ka goditur në sulm dhe bëhet fjalë për Kirian Nwabueze.

Nigeriani me pasaportë amerikane bëri një gjysmë sezoni të mirë në radhët e Dritës në Superligën kosovare, teksa ia ka dalë të shënojë 7 gola. Në gjysmën e parë të kampionatit kishte realizuar 6 herë me fanellën e Pobedës në Maqedoni.

Kurbinasit janë bindur nga cilësitë e sulmuesit dhe i kanë bërë ofertë, ndërkohë që njoftojnë se kanë nënshkruar për dy vite.

“Goditja e parë në merkato: Sulmuesi Kyrian Chinazorm Nwabueze hedh të zezën në të bardhë, duke nënshkruar zyrtarisht kontratë 2-vjeçare me ekipin tonë.

Kjo goditje vjen në ditët e para të merkatos, pasi ekipi po përgatitet për ndeshjet e Europës. Me afrimin e sulmuesit priten dhe surpriza të tjera në ditët në vijim!”, njoftojnë kurbinasit përmes faqes zyrtare në “Instagram”.