Laçi transferon bomberin që ka shkëlqyer në Kosovë

Laçi ka filluar punën për ndërtimin e skuadrës për sezonin e ardhshëm. Klubi kurbinas ka kryer goditjen e parë, duke menduar për paraqitjen që do të bëjë në kualifikueset e Europa League.

Bëhet fjalë për sulmuesin Kyrian Nwabueze, 26-vjeçar, i cili prej janarit ka qenë pjesë e Dritës, duke shënuar 7 gola e dhënë 1 asist.

Në pjesën e parë të sezonit nigeriani-amerikani ishte pjesë e Pobedas në Maqedoni, ku pati rendiment shumë të mirë, por u largua për probleme financiare.