Largimi i Maldinit dhe Massara-s, drejt dështimit 3 blerjet e planifikuara në merkato

Me largimin e Paolo Maldinit dhe Fredecick Massara, Milanit do t’i prishen planet në tregun e transferimeve. Sipas “Sportmediaset”, ditën e djeshme ishte planifikuar një takim me agjentin e Ruben Loftus-Cheek, por tashmë Milani duhet të presë.

Nga ana tjetër, kuqezinjtë kishin avancuar negociatat me Daichi Kamada të Eintracht Frankfurt. Duke qenë se mesfushori japonez ishte sugjeruar nga Maldini dhe Massara, transferimi i tij në Milano mbetet në dilemë.

Një tjetër lojtar që dyshja Maldini-Massara kishin piketuar në skuadrën e Milanit ishte Lois Openda. Me largimin e dy drejtuesve të klubit kuqezi, sulmuesi i Lens tashmë është shumë pranë transferimit te Leipzig në Gjermani.