Legjenda e “Selecao-s”: Neymar nuk është më i mirë se Ronaldo dhe Messi

Sipas legjendës braziliane Roberto Carlos, Neymar Jr bëri mirë që u largua nga Barcelona për të firmosur për skuadrën franceze të Paris Saint Germain, pasi tek katalanasit nuk do të kishte mundësi për të fituar Topin e Artë. 

“Unë mendoj se ai bëri mirë që ka nënshkruar me PSG. Për t’u bërë më i miri në botë ai duhej të largohej nga Barcelona, sepse Messi ishte atje. Ai duhet të jetë i vetëdijshëm se, përderisa Messi dhe Ronaldo janë në formë, ai duhet të jetë i kënaqur me vendin e tretë “,-tha Carlos për “France Football”.

Në intervistën për prestigjozen franceze, Carlos deklaroj se për të mposhtur Ronaldon dhe Messi-n në luftën për Topin e Artë, atij nuk i mjafton as fitorja e Kupës së Botës që këtë vit organizohet në Rusi.