Liverpooli zyrtarizon super goditjen e dytë në merkato, merr numrin e Gerrard

Liverpooli bën goditjen e dytë në merkato. Dominik Szoboszlai është lojtari më i ri i Klopp në sezonin e ri. Lajmin e ka bërë të ditur vetë klubi anglez me anë të një njoftimi në faqen zyrtare.

Szoboszlai bëhet kështu afrimi i dytë i Liverpoolit, që më parë ka afruar mesfushorin Alexis Mac Allister. Mesfushori hungarez firmosi një kontratë që do ta mbajë lidhur me Liverpoolin për pesë sezonet e ardhshme.

Sa i përket shifrës së transferimit, Liverpooli i ka paguar Leipzigut rreth 70 milionë euro. Szoboszlai ka zgjedhur edhe numrin që do të mbajë në shpinë, i cili do të jetë 8, të cilin dikur e mbante Gerrard.