Luftëtari dhe Besëlidhja “marsh” drejt Superiores, “katastrofa” mban emrin e Elbasanit

Sporti E Diel, 18 Prill 2021 23:00

Janë luajtur sot ndeshjet e javës së nëntë në Kategorinë e Parë.

Në Grupin B vazhdon të kryesojë Luftëtari. Skuadra gjirokastrite ka kaluar një test mjaft të vështirë këtë të shtunë, sepse kishte mysafire Apoloninë. Canka shënoi golin e fitores për vend asit, por fierakët kanë luajtur mjaft mirë, sidomos në pjesën e dytë, duke i vënë në vështirësi bluzinjtë.

Në Grupin A vijon beteja në distancë mes Besëlidhjes dhe Kastriotit. Të dyja këto skuadra kanë fituar në transfertë, lezhjanët në Fushë-Krujë, falë golit të Marashit, ndërsa krutanët në Kavajë, me gola të Raboshtës dhe Alikajt.

Por përveç ekipeve që pretendojnë ngjitjen në Superiore, ka edhe një anë medalje. Elbasani, dy herë kampion i Shqipërisë, mbyll klasiifkimin në grupin e jugut dhe rrezikon rënien në një kategori më poshtë. Elbasani humbi derbin me Shkumbinin, 0-1, dhe ndodhet në pozita tepër të vështira.